Këngëtari i estradës kosovare, Robert Berisha ishte i ftuar në emisionin ´´Mirage´´. Në emision ai u pyet në lidhje me deklaratën e tij se “vetëm vdekja e ndante nga Nora Istrefi”, deklaratë kjo e thënë në shkurt të një viti më parë.
Roberti shprehet në ´´Mirage´´se: “Po, është e vërtetë. Vetëm vdekja mund të të ndajë nga nëna e fëmijës tënd. Kështu që gjithmonë do të jem babi i Renes dhe gjithmonë do të jemi bashkë.”
Ne vijim të intervistës, ai nuk dha koment mbi arsyen e ndarjes, por preferoi të theksoi se ndryshe nga çfarë ndodh rëndom, mes tyre ka respekt të ndërsjelltë.
Këngëtari Berisha u pyet dhe nëse kjo ndarje e tyre është përkohësisht, dhe ai përgjigjet me një pausë. Pra, ka një mundësi që të rikthehen bashkë? ´´S´i duhet´´, përfundoi këngëtari.
Ndër të tjera, Roberti tha se nuk është divorcuar zyrtarisht me Norën, pra me dokumente.
